अलि हाँस्दै अलि बस्दै उठेको छ जिन्दगी यहाँ
लडखडाउँदै आत्मबलले उभेको छ जीन्दगी यहाँ ।
रामको युग न हो यो यशु मसिहा युग न हो यो ,
लड्दै मर्दै जीवनसँग कति बाँचेको छ जीन्दगी यहाँ ।
हाँस्दै होलान् कोही बाँच्दै होलान् खुशीले कति तर
दुई छाक जुटाउन कसरी चलेको छ जिन्दगी यहाँ ।
जसलाई सुख छन् उनी महलमा हाँसिरहेका छन्
गरीब भाग्य मनसँगै जलेको छ जिन्दगी यहाँ ।
भाग्यले दिएपछि चोट एउटै कहाँ दिँदो रैछ त साथी
चारै दिशाबाट अब त छेकेको छ जीन्दगी यहाँ ।
(हन्टुपाडा, डुवर्स, भारत)
