यो जो मन कराउँछ,
आत्तिन्छ चित्कारमा यसको भावना सामान्य छ ।
आदिम सोचका पहाडहरुमा ठोक्किँदा
निस्कन्छन् ध्वनीहरु बनेर धुत्कारका वचन
सुन्न नसकी सुनसानमा अझै धकेलिन्छ,
यो जो कराउँछ, झनै आत्तिन्छ
तर चित्कारमा यसको भावना सामान्य छ ।
कमै मनहरु यहाँ छन्,
जो साथ दिन्छन्,
ठक्कर साना ठुला – सबैले हतास दिन्छन् ।
सास फेर्न गाह्रो छ, बतासले धकेलिन्छ
स्वतन्त्र आकाशको खोजमा हिँडेको
अवरुद्द यो एक्कासि सन्नाटामा हराउँछ ।
यो जो मन कराउँछ,
आत्तिन्छ चित्कारमा यसको भावना सामान्य छ ।
