लाहुर गाको छोरो अब बाले फेरि देख्दैनन्,
बर्षौँ पहिले बितेकी श्रीमती जसरी देख्दैनन् ।
सासुलाई आमा मान्नु भनिरहन्छ यो समाज,
अनि किन बुहारीलाई छोरी देख्दैनन् ?
मैले त उनलाई सधैं आमा भन्दै पुजिरहेँ,
उनका आँखाले मलाई सन्तान धरी देख्दैनन् ।
अरुको गल्ती यसकारण केलाउँछ दुनियाँ,
आफ्नो आँखाले आफ्नै कमजोरी देख्दैनन् ।
न्याय गरिनस् भन्दै बिलौना नगर आमा,
ईश्वरले पनि सबैलाई बराबरी देख्दैनन् ।
(सतुंगल, काठमाडौं)
