छिमेकका धामीहरुले, मलाई मसान बनाए
बिना कारण संसारकै, नम्बरी बेइमान बनाए
दुईचार जोगीहरुले मलाई नंग्याउँछु भनेछन्
हिँजो भेटेरै सोधेँ, खै किन अर्कै बयान बनाए
मान्छेहरुले मलाई, बुख्याँच्या बनाएछन् हेर्नुस्
मात्र म जान्दछु, क्या बेकामको सामान बनाए
जिन्दगी यसरी अड्कियो, अब फर्किन मान्दैन
कहिले त रिस उठ्छ, कस्ले यी विमान बनाए ?
धन्य छन् तिम्रा झुकेका, ति नशालु नजरहरु
यो बूढो मनलाई, फेरी एकपटक जवान बनाए
नरम कारुणिक थिएँ, जमानाले सँधै हेपेर राख्यो
जब ढुंगा हुन सिकेँ, सबैले हठात भगवान बनाए ।
(सिड्नी)
नेपाली साहित्य घर’ डिजिटल साहित्यिक पत्रिका भएकोले यसमा साहित्यिक रचना र समाचार मात्र प्रकाशन गरिन्छ । यस पत्रिकामा पुरातन, उच्छृङ्खल र यथास्थितिवादी सोच भएका तथा साम्प्रदायिक सद्भावमा असर पुयाउने खालका रचना प्रकाशित गरिने छैन । अन्य पत्रिका र अनलाइनमा पठाएका वा प्रकाशित भएका रचना नपठाउनुहुन अनुरोध छ । नेपाली साहित्य घरमा प्रकाशित रचनाहरूमा व्यक्त विचारप्रतिको जवाफदेहिता स्वयम् लेखकको हुनेछ । रचना पठाउँदा नेपाली प्रीति फन्टमा टाइप गरेर इमेलमार्फत् पठाउनुपर्ने छ । पठाएको एक महिनासम्म प्रकाशित नभए वा कुनै प्रतिक्रिया नआए रचना अस्वीकृत भएको मानिने छ । हामीले यो पत्रिका आर्थिक उपार्जनका लागि नभई नेपाली भाषासाहित्यको सेवा गर्ने उद्देश्यले सञ्चालन गरेको हुँदा प्रकाशित रचनाको पारिश्रमिक दिन असमर्थ छौँ ।
