नेपाली साहित्य घर’ डिजिटल साहित्यिक पत्रिका भएकोले यसमा साहित्यिक रचना र समाचार मात्र प्रकाशन गरिन्छ । यस पत्रिकामा पुरातन, उच्छृङ्खल र यथास्थितिवादी सोच भएका तथा साम्प्रदायिक सद्भावमा असर पुयाउने खालका रचना प्रकाशित गरिने छैन । अन्य पत्रिका र अनलाइनमा पठाएका वा प्रकाशित भएका रचना नपठाउनुहुन अनुरोध छ । नेपाली साहित्य घरमा प्रकाशित रचनाहरूमा व्यक्त विचारप्रतिको जवाफदेहिता स्वयम् लेखकको हुनेछ । रचना पठाउँदा नेपाली प्रीति फन्टमा टाइप गरेर इमेलमार्फत् पठाउनुपर्ने छ । पठाएको एक महिनासम्म प्रकाशित नभए वा कुनै प्रतिक्रिया नआए रचना अस्वीकृत भएको मानिने छ । हामीले यो पत्रिका आर्थिक उपार्जनका लागि नभई नेपाली भाषासाहित्यको सेवा गर्ने उद्देश्यले सञ्चालन गरेको हुँदा प्रकाशित रचनाको पारिश्रमिक दिन असमर्थ छौँ ।
(१)
घरभित्र लत्याएर परिवारमा अशान्ति बढाउँछन्
मन्दिरमा साक्षात देवी भनेर फूल पाति चढाउँछन्
नारीमाथि दिनदिनै पाशविक अत्याचार चलाउनेहरू
बाहिर नारी सशक्तिकरणको रसिलो पाठ पढाउँछन्।
(२)
नभुल्नु माटोलाई साथी आफू आकाश चढेपछि
फर्केर हेर्नु भुइँमा जीवन यात्रामा अघि बढेपछि
तिमीलाई जसले सहारा दियो याद गरेनौ भने
सबैले थु थु गर्नेछन् घमण्डको आगोमा डढेपछि।
(३)
कोरोनाले हिँसा द्वेष कुविचार बगाएर जाओस्
मनभित्रको क्रूर राक्षसलाई जलाएर जाओस्
शान्ति समन्वयको स्वस्थ भावना स्थापना गरेर
वरिपरि भातृत्वको आदिपाठ पढाएर जाओस्।
(गेलापोखरी, असम)
