राप्ती साहित्य परिषद् जिल्ला शाखा रुकुम (पश्चिम) को नियमित साहित्यिक गतिविधि अन्तर्गत रुकुम साहित्यमालाको ७७ औं श्रृङ्खला सम्पन्न भएको छ ।
मासिक रुपमा सञ्चालन हुँदै आइरहेको उक्त कार्यक्रममा यसपल्ट महाकवि लक्ष्मीप्रसाद देवकोटाको ११२ आंैं जन्मजयन्ती मनाइएको छ । कार्यक्रम मुसिकोट खलंगा बहुमुखी क्याम्पस स्थित लक्ष्मी बाटिकामा मिति २०७७ कार्तिक २९ गते शनिबार सम्पन्न भएको हो ।
राप्ती साहित्य परिषद् जिल्ला शाखा रुकुम (पश्चिम) का अध्यक्ष मनलाल ओलीको अध्यक्षता रहेको सो कार्यक्रमका अतिथिहरूमा प्रगतिशील लेखक संघ नेपाल कर्णाली प्रदेशका अध्यक्ष गिरीप्रसाद बुढा, मुसिकोट खलंगा बहुमुखी क्याम्पसका प्रमुख मुकुन्दप्रसाद शर्मा, रुकुमेली क्याम्पसका प्रमुख मिनबहादुर पुन, उपप्राध्यापक हरिबिष्णु ओली, उपप्राध्यापक दिपक केसी, जनविकास पुस्तकालयका उपाध्यक्ष नारायणप्रसाद शर्मा, अनेरास्ववियूका जिल्ला अध्यक्ष शुशील बिष्ट, राप्ती साहित्य परिषद् जिल्ला शाखा रुकुमका पूर्व सहसचिव समष्टि बुढा, परिषद्का शाखा उपाध्यक्ष सिर्जना शर्मा, कोषाध्यक्ष प्रमोदकुमार शर्मा, सदस्य एक्कबहादुर केसी, रुपा केसी लगायतका हुनुहुन्थ्यो ।
कार्यक्रमका अतिथिहरूबाट महाकवि लक्ष्मीप्रसाद देवकोटाको प्रतिमामा माल्र्यापण तथा अबिर आवरणा सहित देवकोटाप्रति श्रद्धासुमन व्यक्त गरिएको थियो ।
उक्त साहित्यिक कार्यक्रममा हरिपवन पहर खड्का, रुपा केसी, नारायणप्रसाद शर्मा, समष्टि बुढा, प्रमोदकुमार शर्मा, मुकुन्दप्रसाद शर्मा, सिर्जना शर्मा, गिरिप्रसाद बुढा, मनलाल ओली लगायतले रचना वाचन गर्नुभएको थियो ।
वाचित रचनाको समीक्षा साहित्यकार मुकुन्दप्रसाद शर्माले गर्नुभएको थियो ।
त्यसै गरी शुशिल विष्ट, हरिविष्णु ओली, र मिनबहाुर पुनले महाकवि लक्षमीप्रसाद देवकोटाको योगदानबारे चर्चा गर्नुभएको थियो । कार्यक्रमको सञ्चालन राप्ती साहित्य परिषद् जिल्ला शाखा रुकुम (पश्चिम) का सचिव ओमबहादुर खत्रीले गर्नुभएको थियो ।
