काडमाडौं, २१ भदौ ।
प्रगतिवादी साहित्यकार अनिल शर्मा ‘विरही’लाई प्रहरीले फेरि गिरफ्तार गरेको छ । उनलाई भारतपुर अस्तत्तालबाट डिस्चार्ज हुँदाबित्तिकै शनिबार दिउसो गिरफ्तार गरिएको हो । लकडाउनकै बिचमा स्वास्थ्यमा गम्भीर समस्या देखिएपछि अस्पत्तालमा भर्णा भएका उनलाई गत बैशाख २३ गते पनि अस्पत्तालबाटै गिरफ्तार गरिएको थियो ।
चितवन जिल्ला अदालतमा हालिएको रिटमाथि भएको बहसमा अदालतले उनलाइ रिहा गर्ने आदेश दिएको थियो । उनलाई रिहा गर्ने आदेश दिएपनि प्रहरी प्रशानले उनलाई अस्पत्तालभित्रै अघोषित नजरवन्दमा राखेको थियो ।
अहिले विरहीमाथि धनुषामा पनि मुद्धा रहेको भन्दै गिरफ्तार गरिएको जनाइएको छ ।
कवि, पत्रकार तथा राजनीतिज्ञ अनिल शर्माका ‘मनका खाडलहरू’, ‘अग्निपंक्षीका गीतहरू’ र ‘सम्झनामा भारतीय जेल’ लगायत आधा दर्जन कृति प्रकाशित छन् ।
अनिल शर्मा रातो खबर साप्ताहिकका निर्देशक समेत रहेका छन् ।