आँसुको बिस्कुन आँखामा
सुकाएर आमा
शान्तिको बाटो हेर्दै छिन्
कोख रित्तिए पनि
आमा आशा र बिश्वासको प्रतीक्षामा
निराश भएकी छैनन्।
धर्ती ढगमगाएको बेला
आकाश खसेको बेला
मनको मझेँरी फाँटेको छ
तर
बाहिर बजारमा
स्वाभिमान, रास्ट्रिय स्वाधीनता साथै
अस्मिताको लिलाम बढाबढ भैरहेको छ।
केही ज्युँदा सपूत भने
सुदूर गाउँबाट गन्तव्य रोज्दैछन्
सिंहदरबारसम्मको
किनकि
यो देश
सीता, भृकुटी
र
बुद्ध जन्मेको देश हो।
(तनहुँ)
