१
नक्कली डाक्टरको भर पर्दिन् भन्नुभयो बाले
उसको प्रयोगशालामा  मर्दिन् भन्नुभयो  बाले
गरिवले  मर्दा  नि  कर  तिर्नु  पर्ने  यो देशमा
भो  उपचार  अब  गर्दिन्  भन्नुभयो बाले  ।।


२
बैंकले  धितोमा घर खेत लिएर पठाएको छ
डाक्टरले अन्तिम मिति दिएर पठाएको छ
कसरी भनोँ  मैले यी सबै  कुरा  आमासित 
परिस्थितिले  मुख  सिएर  पठाएको  छ ।।


३
जाडोमा  न्यानो  ऊन  सकियो
दु:खमा आमाको  सुन सकियो
बलेको आगो  ताप्ने  यो दुनियाँमा
बाले लाको समाजमा गुन सकियो ।।


४
पैसाले किन्न नसकिने ओैषधी मुलो हुँदो'छ
ढुङ्गा  जस्तो  जीवन  पनि  धुलो  हुँदोरै'छ
मृत्यु युद्धमा  लडेका योद्वालाई  सोध्नुस् 
जीवनको माया  कति  ठुलो  हुँदोरै'छ ।।


५
जिन्दगीको त्यो गाडी गुडेपछि आयौ
सम्झानाले इतिहास  पुरेपछि  आयौ 
अन्तिम श्वास छोड्दासम्म खोज्दै थिए बाले
उनको  प्राण  पखेरू  उडेपछि  आयौ  ।।

(काभ्रे)