वास्तविकतालाई लुकाइदिन सक्ने
सत्य र तथ्यको खिल्ली उडाउन पछि नपर्ने
संस्कृति र धर्मलाई इतिहासमा मात्र
सीमित गराउन खोज्ने
यो कस्तो गान्तोक शहर ?
अब यही टुङ्गोमा पुगे हुन्छ
राजनीति कुहेकै हो
आफ्नै शिरमार्फत निकैचोटि
मेरो शिर नुहेकै हो ।
कराउँदा छन् जनता
अलिबेसी जनवाद भए हुन्थ्यो
के थाहा तिनलाई साटोमा
बन्दोबस्तवाद चुहेकै हो ।
क्रान्तिको आशामा बाँच्नेहरुले
माथि ठीक छ भन्दै रहयौं
बल्ल थाहा भो माथिकाहरु त
विचारमा तुहेकै हो ।
हठात् सर्वहारा यी महलहरु
ठडिँदा शङ्का हुन्न र ?
ठोकेरै भन्छु त्यो घरखर्च
कतैबाट दुहेकै हो ।
कसैको मुहार पनि किन
हँसिलो छैन
झरी परेको छ यो मन
तर ओसिलो छैन
सडक छ, मान्छे छ
अनि जताततै भीड छ
के भो तर हल्ला पनि
कहीँ जोसिलो छैन
न यता ठीक छ हजुर
ठीक छ न उता नै
के खोज्नु यो बेला
आधार नै भरोसिलो छैन
बोलीमा पकवान छ
गोली व्यवहारमा
गोलीसरि सोच्दो भए
किन पोसिलो छैन ? ?
(गान्तोक पूर्व सिक्किम)
नेपाली साहित्य घर’ डिजिटल साहित्यिक पत्रिका भएकोले यसमा साहित्यिक रचना र समाचार मात्र प्रकाशन गरिन्छ । यस पत्रिकामा पुरातन, उच्छृङ्खल र यथास्थितिवादी सोच भएका तथा साम्प्रदायिक सद्भावमा असर पुयाउने खालका रचना प्रकाशित गरिने छैन । अन्य पत्रिका र अनलाइनमा पठाएका वा प्रकाशित भएका रचना नपठाउनुहुन अनुरोध छ । नेपाली साहित्य घरमा प्रकाशित रचनाहरूमा व्यक्त विचारप्रतिको जवाफदेहिता स्वयम् लेखकको हुनेछ । रचना पठाउँदा नेपाली प्रीति फन्टमा टाइप गरेर इमेलमार्फत् पठाउनुपर्ने छ । पठाएको एक महिनासम्म प्रकाशित नभए वा कुनै प्रतिक्रिया नआए रचना अस्वीकृत भएको मानिने छ । हामीले यो पत्रिका आर्थिक उपार्जनका लागि नभई नेपाली भाषासाहित्यको सेवा गर्ने उद्देश्यले सञ्चालन गरेको हुँदा प्रकाशित रचनाको पारिश्रमिक दिन असमर्थ छौँ ।
वास्तविकतालाई लुकाइदिन सक्ने
सत्य र तथ्यको खिल्ली उडाउन पछि नपर्ने
संस्कृति र धर्मलाई इतिहासमा मात्र
सीमित गराउन खोज्ने
यो कस्तो गान्तोक शहर ?
अब यही टुङ्गोमा पुगे हुन्छ
राजनीति कुहेकै हो
आफ्नै शिरमार्फत निकैचोटि
मेरो शिर नुहेकै हो ।
कराउँदा छन् जनता
अलिबेसी जनवाद भए हुन्थ्यो
के थाहा तिनलाई साटोमा
बन्दोबस्तवाद चुहेकै हो ।
क्रान्तिको आशामा बाँच्नेहरुले
माथि ठीक छ भन्दै रहयौं
बल्ल थाहा भो माथिकाहरु त
विचारमा तुहेकै हो ।
हठात् सर्वहारा यी महलहरु
ठडिँदा शङ्का हुन्न र ?
ठोकेरै भन्छु त्यो घरखर्च
कतैबाट दुहेकै हो ।
कसैको मुहार पनि किन
हँसिलो छैन
झरी परेको छ यो मन
तर ओसिलो छैन
सडक छ, मान्छे छ
अनि जताततै भीड छ
के भो तर हल्ला पनि
कहीँ जोसिलो छैन
न यता ठीक छ हजुर
ठीक छ न उता नै
के खोज्नु यो बेला
आधार नै भरोसिलो छैन
बोलीमा पकवान छ
गोली व्यवहारमा
गोलीसरि सोच्दो भए
किन पोसिलो छैन ? ?
(गान्तोक पूर्व सिक्किम)
