समयमै खानु भन्छ तर नखाई हेरिरहन मन लाग्छ
म बिरामी हुँदा बचाउने दबाई हेरिरहन मन लाग्छ
तिमी सोच्दो हौ किन म रातभर छतमा बसिरहन्छु
तिमी त्यस्तै छौ भनेर जूनलाई हेरिरहन मन लाग्छ
तिमी झैं चङ्गा चैट भइ कहाँ पुग्यो म भन्न सक्दिनँ
प्रेमपूर्वक हातमा भएको लट्टाई हेरिरहन मन लाग्छ
आवश्यकता धेरै छन् तर खर्च गरिहाल्न नि सक्दिनँ
जीवनको आफ्नो पहिलो कमाई हेरिरहन मन लाग्छ
देख्छु महलमा बस्ने पनि सधैं तनाबग्रस्त देखिन्छन्
झुपडीमा बस्नेको निश्चिन्त बसाई हेरिरहन मन लाग्छ ।
(लमजुङ)
