२० मंसिर, काठमाडौं ।
तनहुँका साहित्यकार आकाश अधिकारीका एकैसाथ दुई कृति सार्वजनिक भएका छन् । अधिकारीले लेखेको कविता संग्रह ‘आकाश खुल्दैछ’ र ‘बिस्कुन बालुवाको’ नाटकसंग्रह शनिबार दमौलीमा लोकार्पण भएका हुन् ।
दुवै पुस्तक वरिष्ठ सहित्यकार डिल्लीराम मिश्र श्रमजीवीले लोकार्पण गरेका हुन् ।
लोकार्पण कार्यक्रम गीतल प्रतिष्ठान नेपाल तथा नाटक मञ्चको आयोजनामा सम्पन्न भएको हो ।
उक्त कार्यक्रममा व्यास अध्यता काशीनाथ न्यौपाने, शेषमणी आचार्य जिल्ला समन्वय तनहुँका प्रमुख शान्तिरमण वाग्ले साथै व्यास न पा का प्रवक्ता मोहन कुमार श्रेष्ठको बिशिस्ट आतिथ्यता रहेको थियो। पुस्तक माथिको समीक्षा नाटक माथि साहित्यकार तथा समालोचक डाक्टर ईश्वर चन्द्र वाग्लेले गर्नु भएको थियो भने कबिता माथि वरिष्ठ बुद्धिजीवी तथा जिल्ला वाल संगठनका प्रमुख डम्बर देब कैनीले गर्नुभयो।
आयोजक संस्थाले हरेक बर्ष प्रदान गर्दै आएको “गीतल युवा रास्ट्रीय पुरस्कार” युवा कवि सुदेश सत्याल साथै संस्थाले प्रदान गर्ने “गीतल प्रतिभा पुरस्कार” लोक गायक बसन्त बि क लाई प्रदान गर्ने घोषणा गरियो।
लेखक गीतल प्रतिष्ठान नेपाल तथा नाटक मञ्च तनहुँका अध्यक्ष हुन् ।
