अक्टोबर १७, बोष्टन, अमेरिका ।
सिर्जना उत्सव बोष्टनले अमेरिकाको आइतबार साँझ “कवितामा दसैँ” कार्यक्रम गर्ने भएको छ ।
बिजया दशमी २०७७ को अवसर पारेर आयोजना गर्न लागिएको उक्त कार्यक्रममा ७७ सर्जकले कविता वाचन तथा शुभकामना आदान-प्रदान गर्ने भएका छन। कार्यक्रममा कविहरूले “बिजया दशमी- २०७७ को शुभकामना” भन्दै सिधै कविता, गजल, मुक्तक जे बिधा भए पनि एकएक वटा छोटा सिर्जना वाचन गर्ने छन् । जुम प्रविधिबाट फेसबुकमा लाइभ हुने उक्त कार्यक्रमलाई ई-नेप्लिज अनलाइन सञ्चार, अमेरिका र रेडियो हिमालयन, नेपालले प्रत्यक्ष प्रसारण गर्ने छन् ।
बिश्वभर कोरोनाको प्रकोपका कारण दसैँ मनाउन नेपाल जान नपाएका र नेपालमा आफन्तको प्रतीक्षामा रहेका नेपाली मनहरूलाई शुभकामना पुर्याउने उदेश्यले कार्यक्रमको आयोजना गर्न लागिएको कार्यक्रमको संयोजक गोवर्ध्दन पूजाले बताए।
कार्यक्रमा प्राविधिक संयोजन महेश्वर पन्तले गर्नेछन् भने दीपा राई पुन र ममता कर्माचार्यले अतिथिहरूलाई स्वागत र धन्यवाद व्यक्त गर्नेछन् ।
कार्यक्रम अमेरिकाको पूर्वीय समय अनुसार साँझको ९;१५ बजे र नेपालको सोमबार बिहान ७ बजेबाट हुनेछ।
