काठमाडौं ।
अन्तर्राष्ट्रिय नेपाली साहित्य समाज ( अनेसास ) अफ्रिका च्याप्टर गठन गरिएको छ । हालै अफ्रिका का बिभिन्न देशमा रहेका नेपाली साहित्यकारबीच भएको डिजिटल बैठकले अफ्रिका च्याप्टरको गठन गरिएको हो ।
अफ्रिका च्याप्टर को अध्यक्षमा गणेश खड्का (सेसेल्स), उपाध्यक्षमा सुवास सापकोटा (केन्या), महासचिवमा दुर्गा बिनय (मलावी), सचिवमा वड मिसन (कङ्गो), कोषाध्यक्षमा पुरोषत्तम अधिकारी (सेसेल्स) र सदस्यहरूमा प्रदीपध्वज बुढाथोकी (युगान्डा), रमेश राई (मदागास्कार), अन्जु पौडेल (नाइजेरिया) र गोपर्मा शेर्पा (तान्जानिया) चयन भएका छन् ।
अफ्रिका च्यापटरको सल्लाहकारमा हिक्मत थापा (नाइजेरिया), कृष्णदत्त भट्ट (केन्या) र रमेश कंडेल (युगान्डा) लाई समेत बैठकले चयन गरेको छ ।
बैठकमा शुभकामना दिँदै अनेसास अन्तर्राष्ट्रिय समितिका अध्यक्ष प्रकाश पौडेल ‘माइला’ले अब अनेसास संसारका सबै महादेशमा पुगेको बताउँदै कार्यसमितिमा चयन हुनुभएका सम्पूर्ण साथीहरूलाई बधाई र शुभकामना दिए । अफ्रिकामा नेपाली साहित्यमा कलम चलाउने लेखकहरूलाई अनेसासको अन्तर्राष्ट्रिय संजालमा स्वागत गर्दै उनले सबै मिली नेपाली भाषा र साहित्यलाई विश्वव्याप बनाउनु पर्ने अभियानमा आफूहरू रहेको बताए ।
त्यसैगरी गैरआवासीय नेपाली सङ्घ भाषा , साहित्य , संस्कृती तथा सम्पदा प्रवर्द्धन समितिका अध्यक्ष हिक्मत थापाले अफ्रिकामा अनेसास स्थापना गर्ने पुरानो सपना आज यथार्थमा परिणत भएकोमा खुसी व्यक्त गर्दै नेपाली भाषा साहित्यलाई अफ्रिकामा समेत विस्तार र समृद्ध गर्न यसले थप योगदान दिने कुरामा विश्वास व्यक्त गर्नुभयो ।
संसारभर छरिएर रहेका स्रष्टाहरुको छfता संस्था अनेसासको झन्डै चार दर्जन च्याप्टरहरु सकृय छन । अफ्रिका च्याप्टर कान्छो च्याप्टर हो ।
