विश्वास ! न त्यो ठोस वस्तु नै हो
न त त्यसलाई देख्न नै सकिन्छ
विश्वास ! न त तरल पदार्थ नै हो
जसलाई पोखिएर छताछुल्ल भएकै देखिन्छ
विश्वास ! न त यो भवन नै हो
जसलाई स्पर्श गर्न नै सकिन्छ ।
परिभाषामा यो त
आकारहीन छ, आकाशजस्तै बृहत् !
रंगबिहीन छ, तर पानीजस्तै आफूमा
सघै इन्द्रेणी अन्तर्निहित गराई हिँडिरहन्छ।
स्वयं अदृश्य छ तर सदैव र सर्वत्र छ ।
अथाह र अनन्त गहिराइ छ
र त आफूभित्रै
सधैँ एउटा विशाल समुद्र बोकी हिँड्छ ।
यथार्तमा विश्वास त,
न त कर्तव्य हो
न त यो कसैको अधिकार हो
यो त मात्र निस्वार्थ कमाइ ह - मन, बचन र कर्मको
जसलाई निरन्तरता र सदासयताले मात्र आर्जन गर्न सकिन्छ।
विश्वास ! नाफा घाटाबाट मुक्त छ ।
नाताबाद र कृपाबादबाट पनि स्वतन्त्र छ
विश्वास ! कहिले कुनै टेन्डरको महान् गर्दैन
होलसेलका हाट बजारहरुमा पनि यो भेटिदैन
घुसखोरीजस्तो लेनदेन कारोबारमा पनि मुछिदैन ।
होसियारीमा अलिकति पनि चुकिदा,
कुकर्मका बेरुजुहरुले त “बर्षौको आर्जन विश्वास”
सजिलै भाँच्न , च्यातिन र टुक्रिन सक्छन्
झर्यामझुरूम नजोडिने जड सिसाहरुझैँ
गर्लामगुर्लुम्म भुकम्पहरु आएझैँ
अन्धधुन्ध ठूलो आँधीबेरी र असिना वर्षेझैं ।
रोपाईको लागि खडेरीले वर्षालाई पर्खेझैं
दिगो विश्वास त
दुई आत्माको मात्र “पवित्र कारोबार “ हो
जहाँ लकन-छपन पटक हुनुहुँदैन ।
यसमा उधारो र बन्धकीका तम्सुकहरु पनि लेखिँदैनन्
जेष्ठताका जबर्जस्ती नियमहरु पनि लादिदैनन्
अपारदर्शिका पर्खालहरु पनि लगाइदैनन्
लुकिछिपी र ढॉटछलका खेलहरू खेलिदैनन्
विश्वास त केवल व्यक्ति स्वयंले आर्जन गरिनुपर्छ
आफ्ना निःस्वार्थ मन, बचन र कर्महरुबाट
दिनहुँ केही त्याग र केही मेहेनतको अभ्यासहरूबाट ।
(सेन्ट लुइस , अमेरिका)
नेपाली साहित्य घर’ डिजिटल साहित्यिक पत्रिका भएकोले यसमा साहित्यिक रचना र समाचार मात्र प्रकाशन गरिन्छ । यस पत्रिकामा पुरातन, उच्छृङ्खल र यथास्थितिवादी सोच भएका तथा साम्प्रदायिक सद्भावमा असर पुयाउने खालका रचना प्रकाशित गरिने छैन । अन्य पत्रिका र अनलाइनमा पठाएका वा प्रकाशित भएका रचना नपठाउनुहुन अनुरोध छ । नेपाली साहित्य घरमा प्रकाशित रचनाहरूमा व्यक्त विचारप्रतिको जवाफदेहिता स्वयम् लेखकको हुनेछ । रचना पठाउँदा नेपाली प्रीति फन्टमा टाइप गरेर इमेलमार्फत् पठाउनुपर्ने छ । पठाएको एक महिनासम्म प्रकाशित नभए वा कुनै प्रतिक्रिया नआए रचना अस्वीकृत भएको मानिने छ । हामीले यो पत्रिका आर्थिक उपार्जनका लागि नभई नेपाली भाषासाहित्यको सेवा गर्ने उद्देश्यले सञ्चालन गरेको हुँदा प्रकाशित रचनाको पारिश्रमिक दिन असमर्थ छौँ ।
विश्वास ! न त्यो ठोस वस्तु नै हो
न त त्यसलाई देख्न नै सकिन्छ
विश्वास ! न त तरल पदार्थ नै हो
जसलाई पोखिएर छताछुल्ल भएकै देखिन्छ
विश्वास ! न त यो भवन नै हो
जसलाई स्पर्श गर्न नै सकिन्छ ।
परिभाषामा यो त
आकारहीन छ, आकाशजस्तै बृहत् !
रंगबिहीन छ, तर पानीजस्तै आफूमा
सघै इन्द्रेणी अन्तर्निहित गराई हिँडिरहन्छ।
स्वयं अदृश्य छ तर सदैव र सर्वत्र छ ।
अथाह र अनन्त गहिराइ छ
र त आफूभित्रै
सधैँ एउटा विशाल समुद्र बोकी हिँड्छ ।
यथार्तमा विश्वास त,
न त कर्तव्य हो
न त यो कसैको अधिकार हो
यो त मात्र निस्वार्थ कमाइ ह - मन, बचन र कर्मको
जसलाई निरन्तरता र सदासयताले मात्र आर्जन गर्न सकिन्छ।
विश्वास ! नाफा घाटाबाट मुक्त छ ।
नाताबाद र कृपाबादबाट पनि स्वतन्त्र छ
विश्वास ! कहिले कुनै टेन्डरको महान् गर्दैन
होलसेलका हाट बजारहरुमा पनि यो भेटिदैन
घुसखोरीजस्तो लेनदेन कारोबारमा पनि मुछिदैन ।
होसियारीमा अलिकति पनि चुकिदा,
कुकर्मका बेरुजुहरुले त “बर्षौको आर्जन विश्वास”
सजिलै भाँच्न , च्यातिन र टुक्रिन सक्छन्
झर्यामझुरूम नजोडिने जड सिसाहरुझैँ
गर्लामगुर्लुम्म भुकम्पहरु आएझैँ
अन्धधुन्ध ठूलो आँधीबेरी र असिना वर्षेझैं ।
रोपाईको लागि खडेरीले वर्षालाई पर्खेझैं
दिगो विश्वास त
दुई आत्माको मात्र “पवित्र कारोबार “ हो
जहाँ लकन-छपन पटक हुनुहुँदैन ।
यसमा उधारो र बन्धकीका तम्सुकहरु पनि लेखिँदैनन्
जेष्ठताका जबर्जस्ती नियमहरु पनि लादिदैनन्
अपारदर्शिका पर्खालहरु पनि लगाइदैनन्
लुकिछिपी र ढॉटछलका खेलहरू खेलिदैनन्
विश्वास त केवल व्यक्ति स्वयंले आर्जन गरिनुपर्छ
आफ्ना निःस्वार्थ मन, बचन र कर्महरुबाट
दिनहुँ केही त्याग र केही मेहेनतको अभ्यासहरूबाट ।
(सेन्ट लुइस , अमेरिका)
