२२ असोज, एजेन्सी ।
यस वर्षको साहित्यतर्फको नोबेल पुरस्कार अमेरिकी कवि लुइस ग्लुकलाई दिइने भएको छ ।
बिहीबार स्टक होममा आयोजित एक कार्यक्रममा स्विडिस एकेडेमीले अमेरिकी कवि लुइस ग्लुकलाई उक्त पुरस्कार दिने घोषणा गरेको हो ।
उनलाई सादा काव्यात्मक सौन्दर्यले व्यक्तिगत अस्तित्वलाई विश्वव्यापी बनाउन सक्छ भन्ने सैद्धान्तिक अवधारणाका लागि यो पुरस्कार प्रदान गरिएको हो ।
उनले स्वर्ण पदक र एक करोड स्विडिस क्रोनर पाउने छन् ।
सन् १९४३ मा अमेरिकाको न्युयोर्कमा जन्मिएकी ग्लुक यल विश्वलयकी प्राध्यापक समेत हुन् ।
उनका ‘स्नोड्रप्स’, ‘मिडोल्यान्ड्स’, ‘फेथफुल एन्ड भर्चुअल नाइट’, ‘भिटा नोभा’, प्रूफ्स एन्ड थिएरिज’, ‘द वाइल्ड आइरस’ लगायत कवितासंग्रह प्रकाशित छन् ।
लुइस ग्लुक साहित्यतर्फको नोबेल पुरस्कार प्राप्त गर्ने प्रथम अमेरिकी महिला र नोबेल पुरस्कारको इतिहासमा १६औं महिला साहित्यकार हुन् ।
