काठमाडौं ।
अन्तराष्ट्रिय नेपाली साहित्य समाजले बिश्वभर रहेका आफ्ना च्याप्टरका गतिबिधि, समस्या र सम्भाबनालाई लिएर अनेसास केन्द्र र च्याप्टरका अध्यक्षबीच छलफल सुरु गरेको छ ।
यसको पहिलो शृंखला अन्तर्गत आइतबार भएको अनलाइन छलफल कार्यक्रममा उत्तर अमेरिका क्षेत्रका अनेसास च्याप्टर अध्यक्ष र अनेसास केन्द्रका प्रतिनिधिहरूको सहभागिता रहेको थियो ।
अनेसासका (उत्तर अमेरिका), उपाध्यक्ष राजेन्द्र श्रेष्ठको संयोजनमा भएको उक्त कार्यक्रममा उत्तर अमेरिकाका १५ च्याप्टर अध्यक्ष तथा प्रतिनिधिहरूले च्याप्टर र केन्द्रबीच हुनुपर्ने सम्बन्धका बारेमा बिचार राखेका थिए । उनीहरुले यस प्रकारको कार्यक्रमले अनेसासको उदेश्य अनुरुप सहकार्य गर्न सहज हुने बताए ।
कार्यक्रममा बोर्ड अफट्रष्टी सभापति गीता खत्री, अनेसास अध्यक्ष प्रकाश पौडेल माइला, बोर्ड अफट्रष्टी उपसभापति पदम बिश्वकर्मा, बरिष्ठ उपाध्यक्ष गोवर्ध्दन पूजा, महासचिव सर्वज्ञ वाग्ले , उपाध्यक्ष बाबा बस्नेत र राजेश बुढाथोकी,, कोषाध्यक्ष कृष्ण गिरी, सदस्यहरू दीप पाठक, डा, रेणुका सोलु, प्रमोद सारंग, निजानन्द मल्ल, तारा अधिकारी लगायतले सहभागिता जनाएका थिए ।
यसैगरी च्याप्टरबाट अध्यक्षहरू शकुन ज्ञवाली , उर्मिला निर्दोषी, भानुभक्त आचार्य, नम्रता गुरागाईँ, यम पौडेल, ईश्वर बगाले, दीप कार्की, ईश्वरी भट्ट, किरण मानिके, कपिल अधिकारी, तिलक कार्की, कमल पन्थी, कमला न्यौपाने, सीता कोइराला र सतिश त्रिपाठी(उपाध्यक्ष),लगायतको सहभागीता रहेको थियो ।
कार्यक्रमलाई अन्य महादेशहरूमा पनि निरन्तरता दिने अध्यक्ष माइलाले बताए ।
