असोज ४, काठमाडौं ।
अइतबार बसेको मदन पुरस्कार गुठीको साधारण सभाले गत छ दशकदेखि नेपाली गीत संगीत क्षेत्रमा समर्पित रही गीत संगीत क्षेत्रको उन्नयनमा विशिष्ठ योगदान पुर्याएकोले संगीतकार शान्ति ठटाललाई २०७६ सालको जगदम्भा श्री अर्पण गर्ने निर्णय गरेको छ ।
यस वर्षको मदन पुरस्कार चन्द्रप्रकाश बानियाँको उपन्यास महारानीले पाएको छ ।
मदन पुरस्कार गुठीको आइतबार बसेको बैठकले ‘महारानी’ उपन्यासलाई मदन पुरस्कार दिने निर्णय गरेको हो । मदन पुरस्कार गुठीमा प्राप्त भएका १५१ पुस्तकमध्येबाट यस अघि नै जोकरको बन्दुक (विमल निभा), धर्सैधर्साको चक्रव्यूह(तीर्थ श्रेष्ठ), परित्यक्ता (भुवन ढुङ्गाना), महारसनीघन्टु (योगी धर्ममहारस),महारानी (चन्द्रप्रसाद बानियाँ), मोहपथ (ललित विष्ट) र यात्रामा (शारदा शर्मा) सात पुस्तक छनिएका थिए ।
यी दुबै पुरस्कार वितरण कार्यक्रम भने कोभिड महामारीको परिस्थितिलाई विचार गर्दै पछि सार्वजनिक गरिने गुठीले जानकारी दिएको छ ।
