काठमाडौं, १४ माघ ।
१२ खरी बुक्सले कथा प्रतियोगिताको दोस्रो संस्करणको घोषणा गरेको छ ।
कथा प्रतियोगितामा प्रथम हुने कथाकारले १ लाख रुपैयाँ नगद, अवार्ड र प्रमाणपत्र प्राप्त गर्नेछन् । दोस्रो र तेस्रो हुने कथाकारले क्रमशः ६० हजार रुपैयाँ र ४० हजार रुपैयाँ त्यस्तै अवार्ड र प्रमाणपत्र प्राप्त गर्नेछन् ।
छानिएका २५ कथामध्ये तीन कथालाई प्रथम, द्वितीय, तृतीय घोषणा गरिनेछ । २२ कथाकारलाई जनही ५ हजार नगद र प्रमाणपत्र प्रदान गरिनेछ । उत्कृष्ट २५ कथा समेटिएको संग्रह प्रकाशन गरिनेछ ।
बाह्रखरी बुक्सले लेखक तथा पत्रकार नारायण वाग्लेको संयोजकत्वमा आख्यानकार अमर न्यौपाने र बिना थिङ सम्मिलित निर्णायक मण्डल गठन गरेको छ। सोही निर्णायक मण्डले प्राप्त कथा मध्येबाट उत्कृष्ट कथा छान्ने छ । प्रतियोगिताका लागि पन्ध्र सयदेखि बढीमा ४ हजार शब्दशख्या भएको कथा हुनु पर्नेछ। फागुन १० भित्र बाह्रखरीमा प्राप्त कथा मात्र प्रतियोगितामा समावेश गिरिने छ।
