काठ
माडौं, १९ असार । लेखक नयनराज पाण्डेको कविता वाचन सहितको अन्तक्रिया कार्यक्रम सम्पन्न भएको छ । साताको साहित्य डट कम र नेपाली पत्रले आयोजना गरेको उक्त कार्यक्रम सिड्नीकाे थर्ड आइमा भएको थियो । कार्यक्रमको सञ्चालन पत्रकार ऋषि आचार्यले गरेका थिए भने सहजीकरण लेखक निष्प्रभ सजीले गरे ।
सिड्नीमा बसोबास गर्ने नेपाली पाठकहरूको बाक्लो उपस्थिति रहेको उक्त कार्यक्रममा पाण्डेले उपन्यास लेखनबारे आफ्ना अनुभव सुनाएका थिए । साथै स्रोताले सोधेका विभिन्न प्रश्नहरूको उत्तर पनि दिएका थिए ।
लेखकले किन हस्तक्षेप नगरी निराशा मात्र व्यक्त गरेको होला भन्ने स्रोताको प्रश्नको उत्तर दिँदै उनले भने– ‘लेखकले हस्तक्षेप गर्ने भनेको भाषण गरेर या ब्यानर उठाएर अथवा जुलुसमा सहभागी भएर मात्र हुँदैन लेखकले कस्ता मुद्धा र विषय उठाउँछ र कसरी व्यक्त गर्छ भन्ने हो ।’
अर्को एक प्रश्नको उत्तर दिँदै उनले भने– ‘मैले के लेख्नुपर्छ भन्नेमा लेखक सचेत हुनुपर्र्छ । मेरो लेखनबाट प्रश्न उठोस्, समाजका अगाडि समाजका जिम्मेबार व्यक्तिका अगाडि प्रश्न उठाओस् भन्ने हो ।’
कार्यक्रममा उनले ‘घर’, ‘सानो’ र ‘कविताको नियम’ लगायत नयाँ र पुराना कविता सुनाएका थिए ।
